اولا احب ان اشكرك على طرحك للموضوع الذى هو ف غايه الاهمية
ثانيا انا من رأئي ان المرآه مش بتكون فاشله ف حياتها الاسرية ولا حاجه انما بتقصر ف حاجات ف حياتها الاسريه وده مش بيعتبر فشل ولا حاجه انما هو تقصير وده بيكون غصب عنها لأنها راجعه من شغلها مرهقة وتعبانه طول اليوم فغصب عنها هتقصر ف واجبتها الزوجيه والاسرية تجاه زوجها وأولادها ان كان لديها اولاد
والمفروض ان المرأه تلتزم بالبيت والراجل هو المكلف بأنه يقضي لزوجته بكل ما تحتاجه وما يحتاجه المنزل
وصدقينى لو فكرتى انك تزورى اى مصلحه حكومية هتلاقى 90 % منها سيدات
انا اشتغلت 4 سنوات متواصله مع مصالح حكومية كنت بدخل اى مكتب منهم الاقى حوالى 15 واحده وراجل واحد بس والمدير هيا سيده والمفروض انى اتعامل مع السيده وياريتها بتكون فاهمة شغلها بالعكس اغلب شغلهم بيكون غلط لأن طبيعه المرأه انها بتحكم بعواطفها قبل عقلها وإلا مكنش ربنا عز وجل قال ان النساء ناقصات عقل ودين هم ناقصات عقل مش معناها انهم مش بيفكرو لا بالعكس هم بيفكرو زى اى رجل ف العالم بس عواطفهم بتغلبهم وده مش صحيح انما الراجل مهما كان عنده مشاغل او ظروف او او او او بيقدر يتحكم على اعصابه وعواطفه وبيركز ف شغله انما الواحده منهم لو جوزها زعلها تلاقيها تروح الشغل وهيا بتبكى ولو حد قالها صباح الخير تلاقيها فتحت ف البكاء وده مش نظام شغل فمن الأحسن انهم يلزمو البيوت ويسيبو الرجاله تشتغل وده هيحل جزء كبير من البطاله
واسف ان كنت طولت عليكى ف الكلام بس الموضوع ده بجد مهم جدا جدا
يمنع منعاً باتاً كتابة أي مواضيع هابطه أو ترفيهيه أو كتابه موضوعات لا تحمل افكار جاده حتى لا يتعرض
الموضوع للحذف ويتعرض صاحبه لانقاص عدد موضوعاته
هل المرأة العاملة فاشلة أسرياً
العرض العادي
