ام جوانى : يسعد صباحك ياولدى
جوانى : النهاردة ياامى هنروح نشترى شبكة رايقة وطبعا انتى لازم تكونى معايا
ام جوانى : انا عيونى ليك ياولدى ده انت الغالى يانور عينى
جوانى : تعيشى ياحجه يارب ، خلاص بعد العشاء هننزل
ام جوانى : مش وخرى كده ياولدى ده لسه هننزل الصاغه
جوانى : صاغه ايه بس ياحجه ماهو كله واحد انا ورايقة شوفنا محل حلو اوى وهيعجبك
ام جوانى بعدم تصديق : وانت بقا اللى اخترت المحل ولا العروسة
جوانى : العروسه طبعا ياامى مش هى اللى هتلبس
ام جوانى فى صمت : من اولها كده هتمشيك وراها ياخسارة الرجالة
جوانى : مالك ياحجه ؟
ام جوانى : سلامتك ياولدى ، مبروووك عليك
مراليوم وقبل ما النهار يعدى اتصل جوانى برايقة يأكد عليها الميعاد
جوانى : ازيك ياقمر حياتى
رايقة : الحمد الله ياجوجى
جوانى : انا بتصل ااكد عليكى ميعادنا النهارده
رايقة : طبعا ياحبيبي هكون فى المكان فى الميعاد اللى اتفقنا عليه
جوانى : وحشتنى اوى يارايقة
رايقة : I miss you too
جوانى : حاضر هجبلك اللى نفسك فيه
رايقة : هههههههههههههههههههههههههه سو كيوت ياجوجى
جوانى : رايقة ممكن طلب علشان نفسيتى بس
رايقة : ؟
جوانى : تكلمى معايا كلام افهمه
رايقة :هههههههههههههههههههههههههههه اوك
جوانى : ربنا مايحرمنى من قلبك الحنين ياجميل انت ؟
جوانى فى الميعاد المحدد راح لوالدته وسألها
جوانى : ها ياحاجه جاهزة
ام جوانى : بس مش عارفه خالتك واولادها اتاخرو ليه ؟
جوانى باستغراب : هو انت عازمه حد على العشا ولا ايه ياحاجه
ام جوانى : لا يابنى بس برضه نبقى عزوه كده واحنا بنشترى الحاجه
جوانى : عزوه ايه ياحجه هو انا رايح اشترى حته ارض
ام جوانى : اومال عايزنا نروح بزونا كده وبعدين خالتك ام ايمن بتفهم فى الدهب حلو قوى وهتساعدنا كتير
جوانى وهو هيعيط : بس اصل ياحجه
جوانى : هى من اولها هتعصيك على اهلك ياولدى
جوانى بفزع : ابدا والله ياامى
شويه وجت الست ام ايمن وهى بتزغرط من باب العمارة
ام ايمن : الف مبروك ياولدى يارب يكملك على خير
ايمن : مبروك يابن خالتى
ياسمين اخت ايمن : مبروك يابن خالتى والله فرحانين بيك اوى
ريهام اخت ايمن : مبروك مبروك
ام ايمن : يلا بينا ياحجه ام جوانى زمان باقى الناس وصلو من بدرى على المحل
جوانى الكلمه عدت جنب ودنه : هو مين تانى اللى جالى ياخالة
ام ايمن : مش كتير عمك ابو ايمن وكمان عمك عوضين ومراته وعمك حسين ومراته وبنته اسكت يابنى مش بنته حامل ماشاء هو شهر واحد جواز
جوانى خالته فتحته نشرة اخبار العياله ولازم تسكت بقا
جوانى : مبروك ياخالتى يلا بينا
جوانى طول الطريق بيفكر فى الجيش اللى معاه ليه ده كله دول هيقفلو حى مش محل والحل ياجوانى هو انت كده كل موضوع فيه عفريت يارب استر وهو سارح فى افكاره موبيله رن
جوانى : ايوه يارايقة
رايقة : مش عارفه ياجوجى المحل قدامه زحمه كتير اوى هو فى مظاهرات فى البلد ولا ايه
جوانى : لا ياحبيتى دول اعمامى جاين يباركو على الشبكة
رايقة باستغراب : كل ده ياجوجى الناس كتير اوى
جوانى : انا 10 دقائق واكون عندك استر يارب
وصل جوانى للمكان وفعلا اقل كلمه تتقال انها مظاهرة جوانى وقف وسط الناس وقال
جوانى : ياجماعه انا بشكركم على موقفكم ده بس المحل مش هسيع كل العدد ده فممكن بس مجموعه تتدخل والباقى يستنى
مجموعه من 6 ستات + والدة جوانى دخلوا مع جوانى المحل وابتدى الكلام
ام ايمن : بص يااخويا احنا عايزين احلى حاجه لعروستنا البدر دى
الصايغ : طبعا يامدام ، وهى والاستاذ مختارين حاجات شيك
ام ايمن : وماله نشوف
الصايغ عرض اللى اختارته رايقة وجوانى على العيله الكريمه اللى قرر يغيرو شويه حاجات
ام جوانى : ايه ياعروسه الغواشات دول خفاف اوى هات عيار 21 اللى عندك
جوانى : ومالهم دول ياامى ماهم حلوين وعجبين العروسه
ام جوانى بصيت لجوانى بصه
جوانى : اللى تشوفيه ياحجه
رايقة عندها حالة من الذهول ومش عارفه فى ايه وليه كل الناس دى ففضلت انها تتفرج
ام جوانى : خدى ياعروسه قيسى دول كده
رايقة بنظره مفهاش اى ايحاء برفض او قبول اخدت الحاجه ولبستها فى ايدها
ام جوانى : ايه رايك بقا ياحلوه ؟
رايقة : حلوين ياطنط
جوانى : لو مش عجبك قولى يارايقة
رايقة بنظرة نارية : حلوين وفى سرها جيبلى جيش التتار وامك تخوف بلد وبعدين تقولى رايك
ام جوانى : تسلمى ياغاليه وعلشان انتى مكسفتيش ايدى عايزاكى تنقى اللى نفسك فيه هديه منى
رايقة اتكسفت شويه : وبعدين نقت خاتم
وام ايمن : نقى بقا هديه خالتك ليكى
وكل واحده من الستات طلبت نفس الطلب
وجوانى دفع فى شبكته هو 15000 جنيه وهدايا من العائلة 10000 جنية وعديت المظاهرة من غير اى خسائر باستثناء المكالمه دى
رايقة : جوانى ممكن افهم ايه لازمه مظاهرة الشبكة دى
جوانى : ياحبيبتى انا والله اتفاجئت زيك كده
رايقة : انا كنت حاسه من اول ما شوفت الناس فى الشارع انها مظاهرة لقلب نظام الحكم مش شبكة
جوانى : معليش ياحبيبتى انا مقدرتش ازعل الحاجه منى وانا هحاول منكرريش القصه دى تانى
رايقة : ومين ام ايمن دى كمان الست دى مبتفصليش
جوانى : هههههههههه دى معاكى حق فيها دى خالتى والله ست طيبه جدا هتحبيها اوى لما تعرفيها اهم حاجه عروستى متكنيش زعلانه
رايقه بدلع : مش كنا جبنا السوليتر بدل كل الدهب ده
جوانى : مكنش ينفع خالص فى وجود امى الناس عندى عندهم الشبكه يعنى دهب صريح وكتير عوايدنا كده
رايقة : عموما مرسى كتير ياجوجى
جوانى ابتدى يستعد ليوم الخطوبه ويعد قائمة المدعوين مع الحاج والحاجه
جوانى : ناويه تعزمى مين ياحجه
ام جوانى : ياعيب الشوم طبعا كل اهلنا وحبايبنا اللى جم معانا الشبكة وكمان باقى العيله
جوانى بتردد : ياحجه انتى كده بتتكلمى فى 300 نفر فيما فوق ودى مجرد خطوبه يعنى بالعقل
ام جوانى : يعنى عايز تروح الناس تقول انك مقطوع من سجرة
جوانى : ياامى افهمنينى الشبكه على العروسه وانا مش عايز اكلف الناس والفرح ساعتها اعزمنى البلد كلها
ام جوانى بعدم اقتناع : اللى تشوفه ياولدى
جوانى : وانت ياحاج
ابو جوانى : لو مش عايز تاخد ابوك كمان بلاش
جوانى : هو انا اقدر ياحج انت الخير والبركه اصل انت مشفتيش يوم شراء الدهب ايه اللى حصل كان فاضل شويه ونطلع فى الجرايد بأن فى مظاهرة بتطلب باسقاط الحكومه يرضيك ده ياحج
ابو جوانى بص لام جوانى : دى اخره اللى يعتمد على الحريم
جوانى ظبط المعازيم على اد العدد وربنا يستر من المفاجات واتصل بايهاب يعزمه ويساله على بدله الخطوبه
جوانى : ايهاب صديقى
ايهاب : ابو جوانى ازيك يغالى
جوانى : قصدك فى خدمة
ايهاب: اامرنى ياغالى
جوانى : عايز اشترى بدله شيك كده للخطوبة وقصدك تيجى معايا
ايهاب : ليه كده هو انا عملت فيك حاجه
جوانى : ياايهاب ميبقاش قلبك اسود وصدقنى مش هضيقك خالص ومش هتسمع صوتى
ايهاب : ان كان كده ماشى قابلنى فى المهندسين
جوانى : ماشى كلامك ياسيدى
جوانى نزل من البيت علشان يقابل ايهاب ووصل على المحل اللى ايهاب وصفه ولقى ايهاب مستنيه ودخلوا على المحل
ايهاب : بص يامعلم هندور على بدله كحلى او فيرانى وخلى الاسود للفرح
جوانى : موافق طيب
ايهاب : انت تدور هنا انا هناك
جوانى قعد يقلب فى البدل وهو خايف من ايهاب وجت تحت ايده بدله فرانى زى ما قاله ايهاب واخدها وهو خايف وراح لايهاب
جوانى : ايه رايك
ايهاب : هى حلوه بس لو هتعمل خطوبتك فى الاسكيمو دى صوف ياجوانى
جوانى : ما انا هعرف منين مش مكتوب عليها شتوى
ايهاب : رجع البدله مكانها وتعال قيس دى
ايهاب اختار بدله سوده مخططه شيك جدا
جوانى : مش انت قولت بلاش اسود
ايهاب : ماهو دى مش اسود وهتكون حلوة عليك
جوانى : حاضر
جوانى دخل يقيس البدله وفعلا كانت شيك جدا وفاضل بقا يختارو القميص والكرافت
جوانى : تفتكر ايه القميص اللى يمشى معاه
ايهاب : روح دور على قميص يعجبك كده وهاته اشوفه
جوانى وقف قدام القمصان محتار ولقى اللى يخلصه من تريقه ايهاب قميص ابيض
جوانى : ايه رايك
ايهاب : ايه يابنى فيلم الابيض والاسود اللى انت عايز تعمله ده مينفعش ياسيدى زوقه قديم
بص انا جبتلك قميص سماوى وكرافت فى لبنى هيبقى تحفه عليك
جوانى : طالما انت شايف كده اوك بس البنطلون طويل شويه
ايهاب : بص ياسيدى هنعدى على الترزى هو يظبطه اوك
ايهاب اخد جوانى وطلعو على الترزى وظبطو البنطلون وروح جوانى على البيت والساعه 10 بالليل قرر يبعت البدله تتكوى تانى عند المكوجى زيادة توكيد بما ان الخطوبه بكرة جه صبى المكوجى وجوانى اكد عليه مياخريش المكواه دى عوايده ونام جوانى
وصحى من النوم وهو مبسوط جدا وعمال يغنى
جوانى : النهاردة فرحى ياجدعان عايز كله يبقى تمام
ام جوانى : اتصل ياولدى بالمكوجى علشان مجابش المكوه واحنا دخلنا على الضهر
جوانى : لسه بدرى ياحجه انا ماكد عليه متخفيش
ام جوانى : طيب ياولدى
الساعه بقيت 3 العصر والمكوجى مظهرش وجوانى بيتصل بيه وتليفون المحل مبيرديش جوانى ابتدى يقلق وقال يستنى كمان ساعه يمكن يظهر
الساعه عديت 4 وقرر جوانى يوصل للمكوجى ويشوفه اتخطف ولا ايه
جوانى راح المحل لاقاه مقفول ومفيش اى علامه على سبب انه قافل المحل رجع جوانى على البيت وهو مش عارف يقول ايه للعائله المكوجى قفل على الهدوم
كلها وهرب ؟
ام جوانى : عملت ايه ياولدى ؟
جوانى فى صدمة : المكوجى قفل على كل الهدوم والبدله ياامى ؟
ام جوانى : يعنى ايه قفل على المكواه ؟
جوانى : يعنى المحل مقفول ومحدش عارف ليه يكنش اتخطف وهيطلبوا فدية
ام جوانى : ده وقته هزار ياولدى فاضل ساعتين على الفرح وتقولى خطفوه وفدية
جوانى : اعمل ايه ياامى مش احسن ما اتشل
ام جوانى : بعد الشر عنك ياولدى
الساعه بقيت 6 وبرده المكوجى مظهريش وقرر جوانى ينزل مرة تانيه يمكن ؟
جوانى لقى المكوجى فاتح : يافرج الله اخير وجرى على المحل انت فين ياعم قافل ليه من الصبح سيبت مفاصلى
المكوجى : انا اسف والله يااستاذ الحاجه عندى بعافيه شويه والله اللى خلانى فتحت الشغل بتاعك يابيه وانا خلاصته وكنت هبعت الوله ليك حالا
جوانى : وانا وفرت عليك
جوانى اخد الحاجه ويادوب خارج من باب المحل الكهربا قطعت فى المنطقة كلها والشارع ضلمة كحل يادوب كمان خطوتين ومطر فى شهر فبراير ايه اليوم العجيب ده جوانى الحمد الله المكوجى كان جنب البيت وطلع على البيت وابتدى يلبس فى الضلمة وخلص لبس ولسه هينزل من البيت النور جه
ام جوانى : ايه ياولدى ده
جوانى : فى ايه ياحجه
ام جوانى : انت لبس بنطلون البيجاما على جاكيت البدله وكمان جزمك فرده بنى والتانيه سوادء
جوانى : يادى العطله معاليش ياامى ما النور كان مقطوع وانا مش بنور فى الضلمه يعنى
جوانى ضبط نفسه ونزل على تحت على العربيه ودور العربيه العربيه مش راضيه تدور خالص والمطر نازل
جوانى : ابوس الكاوتش بتاعك تدورى بلاش عطله انا اصلا متاخر ودور تانى درات العربيه بعد صراع نص ساعه
ووصل جوانى والعيله اللى الفيلا اللى تم نقل الحفلة الى داخل الفيلا بسبب سوء الأحوال الجوية والحضور كان برده محدود والليله عديت على خير وجوانى
خطب رايقة والف مبروك للعروسين ..............................
قصص قصيرة أو طويلة , مواقف واحداث جذابة لن تستطيع المغادرة
الحلقة الخامسة عشرة 
قعدة أتفاق
العرض العادي
